Қазақша шығарма: Анама хат

Қазақша шығарма: Анама хат

Ана туралы ойыңды айтып тауысу мүмкін емес. Мен де анамның маған сыйлаған мәнді өмірі үшін алғысымды айта отырып, өз ойымды аз да болса жеткізгім келеді.
Ана- кімнің де болса өміріндегі ең жақын адам. Мен бақыттымын, себебі анасы бар адамдар – өмірдегі ең бақытты жандар. «Анасы бар адамдар, ешқашан қартаймайды » деген сөздің мәнін терең ұғынып келе жатқандаймын. Анаң бар кезде , қай жаста болсаң да анаң үшін сәби болып қала береді екенсің… Кейде анасы жоқ балаларды көргенде көңілім бір түрлі құлазып қалады. Кез – келген адамның жан дүниесі алдымен ана жүрегінің жылуынан басталмай ма ?! Бойымыздағы жақсы қасиеттер де алдымен анамыздың ыстық құшағынан, жұмсақ аялы алақанынан таралмай ма ?! Аналық махаббат пен жан жылуын сезінбей өскен балалардың қатал тағдырына кейде аяушылықпен қараймын. Олардың қасында өзімді бақытты сезінемін. Өмірде ана алақанының жылуы мен әкенің мейірімін тоя жеген тамақ та, шипасы күшті дәрі де алмастыра алмайды емес пе?!
Ана! Сіз мен үшін әлемдегі ең ұлы тұлғасыз. Мен әрдайым өзіңізге қарап бой түзеймін. Өзіңізбен бір күн сырласпасам, бала жүрегім сізді сағынып тұрады. Еркелеткеніңіз, құшақтап сүйгеніңіз, кейде ренжіп ұрысқаныңыз — бәрі де маған деген аналық ыстық махаббатыңыз екенін түсінемін. Сіз – менің қамқоршымсыз, ақылшымсыз. Жетістіктеріме қуанасыз, қателік жасасам, жөн сілтейсіз. Сүрінсем, жұбатып жігерлендіре түсесіз.
Рас, кейде сіздің маған уақытыңыз жетпейтін кездер де болады. Мен оған ренжімеймін. Сіздің маған деген махаббатыңыз шексіз екенін білемін. Себебі, сіздің бізден басқа да қаншама ұл – қыздың тәрбиесіне жауапты екеніңізді мен жақсы түсінемін. «Ұстаз болу – жүректің батырлығы»,- деп Абай атамыз айтқандай, бала жанының бағбаны, мұғалім болу да кез – келген адамның қолынан келе бермес ерлік деп білемін. Мен сіздің өлшеусіз еңбегіңізді түсінемін. Сіз — менің мақтанышымсыз.
Ана ! Балапан жүрек балаңыздың көңіл тебіренісін өзіңізге деген алғысы деп біліңіз.
«Сәбидің бәрі бақытты болуы үшін жаралған »,- деп өлең жолдары жырлағандай , балалардың бақыты үшін бір қолымен әлемді, екінші қолымен бесікті тербеткен аналарымыз аман болғай.

Мұратбек Аминат Мақсатқызы
Шымкент қаласы №15 Д.И.Менделеев атындағы мектеп – лицейі 7 «А» сынып оқушысы
Жетекшісі : Тажибекова Диляра Дауренбекқызы

Доп      


Мақала ұнаса, бөлісіңіз:


Іздеп көріңіз:
анама хат шығарма, ана туралы шығарма, Асыл ана казакша шыгарма, ана туралы шыгарма, ана туралы шығарма 4 5 6 7 8 9 сынып, ана туралы шығарма 1 2 3 4 сынып, сочинение на казахском языке про маму, готовые сочинения на казахском языке про маму, скачать сочинения на казахском языке мама, Қазақша шығарма: Асыл ана, Қазақша шығарма, сочинения на казахском языке, Қазақша шығарма: Асыл ана сочинения на казахском, ана туралы шыгарма қазақша, ана туралы шығарма қазақша, ана туралы шығармалар қазақша, сочинение на казахском языке про мою маму, скачать сочинения на казахском языке маму

Пікір жазу

  • [cmxfinput_gallery][cmxfinput_youtube]