Өмір неткен керемет
Бәрі тегін біздерге
Аман саулық көп бізде
Арманменен қуаныш.....

Ұстазым сені көргенде,
Қуанып кеттім бірдемде,
Әліппемді ұстадым
Білім берген күніңде!
Біліміңді үйрендім,
Бәрін біліп алдым мен
Бәрін біліп әрдайым
Ұстазымның күнінде.

Сыбдырынан қоянның
Түнде шошып ояндым
Жібек тоны мамықтай
Шешеді ол қамықпай.

Жазда қорқақ сол қоян
Шөп ішінде бұғады
Қыста ақ тон киіп ап
Ақ қардай боп шығады.

Тәуелсіздік арманым,
Тәуелсіздік арманым.
Бір өзіңнен айналдым,
Келіп жеткен ақ таңым.....

Әубәкіров ағаның,
Даңқы көпке самғаған.
Тоқтар аға Гагарин,
Салған жолды жалғаған.

Мен мектепке барамын,
Жақсы білім аламын.
Танертең мен сөмкеме
Оқулықты саламын...

Бір дегенім - білім
Екі дегенім - елім.
Үш дегенім - үміт,
Төрт дегенім - түлік.
Бес дегенім - берік,
Алты дегенім - арық.
Жеті дегенім - желім,
Сегіз дегенім - сенім,
Тоғыз дегенім - той,
Он дегенім -ой,
Онға дейін санап қой!

Туған жер атамекенім,
Бақытты өлкем бақ қонған.
Өзің деп мәңгі өтемін.
Өзіңе мен жат болман.....

Менің анам гүл анам,
Менің анам күн анам,
Жағдайымды жасайтын
Жалғыз адам - бұл анам.....

Ұстаздарды ардақтап,
Сыйлайық біз оларды.
Бізге берген біліммен
Өрлейік біз шыңдарға.