Қазақстан жайлы қызықты топтама

Қазақстан жайлы қызықты топтама

1. Алматы қаласының әуежайында екі миллионыншы жолаушы 2006 жылдың 29 желтоқсанында тіркелді. Ол Дана Исенова болатын.

2. Қазақстанда бірінші электр пойызы Целиноград қаласынан (қазіргі Астана) 1964 жылы жіберілді.

3. Ең ірі атом су тұщыту қондырғысы («МАЭК-Қазатомпром» РМӨ) Ақтау қаласында салынған.

4. Қазақстандағы сатушысыз бірінші нан дүкені Алматыда 1956 жылы Гоголь және Байтұрсынов көшелері қиылысында ашылған.

5. Қазақстанның сыртқы жарнама өндірушілерінің тұңғыш форумы 2007 жылдың 14 қыркүйегінде Алматы қаласында өтті.

6. Ең ірі қаламақы – 50 000 000 АҚШ долларын «Техника-экономикалық негіздеу және заңнамалық қызметтер үшін» «Альбениум» консорциумы алды.

7. Әбдірашид Шерханұлы Шерханов 65 жыл жұмысында 500 мыңнан астам сағат жөндеген.

8. Ұлттық валюта – теңгенің бірінші шығарылымы 1993 жылы Англияда «Харрисон энд Санс» фирмасында орын алды. Қазақстан ұлттық валютасының суреті және дизайны үздік саналады. Технологиялық сапасы үшін ағылшын патшайымының «Сапа белгісіне» ие болды. Теңгедегі Абай, Абылайхан, Шоқан Уәлиханов, Сүйінбай, Әбілқайыр, әл-Фараби суреттерін жас суретші Ағымсалы Дүзелханов орындады. Теңгені М.Алин, Х.Ғабжалилов, Т.Сүлейменов әсемдеген.

9. Қазақстанда бірінші рет банкнот фабрикасы 1995 жылы 19 мамырда ашылды. Фабриканы «Томас де Ла Ру» компаниясы салды.

10. Республика аумағында «Қазақстанның Халық банкі» АҚ ең көп 556 филиалға ие.

11. Орта Азия бойынша электроника және тұрмыстық техника жөнінен ең ірі дүкен – Технодом. Оның аумағы 3000 шаршы метрді (Алматы қ.) құрайды.

Автор: Нұрбол Нұрмаханұлы
Дереккөзі: Массагет сайты
Доп      


Мақала ұнаса, бөлісіңіз:

KZ

Іздеп көріңіз:
Қазақстан жайлы қызықты топтама, бірінші, Алматы, Қазақстанда, жылдың, қаласында, тұщыту, жіберілді, Астана, қазіргі, қаласының, «МАЭК, жолаушы, Ақтау, Қазатомпром», қаласынан, қондырғысы, тіркелді, Целиноград, желтоқсанында, болатын

Пікір жазу

  • [cmxfinput_gallery][cmxfinput_youtube]