Қазақша мақал - мәтел: Дұшпан, жау

Қазақша мақал - мәтел: Дұшпан, жау

Әйел адам сырынды алса,
Дұшпан үштен бірін алады.

Бейтаныс кісі бітеу жаңғақ.
Бүгінгі дос ертең жау
(Абай).

Бүйірден соққан жау жаман.
Гүрілдеп келген жаудан,
Күлімдеп келген жау жаман.

Даттаушы түгел жау емес,
Мақтаушы түгел ел емес.

Дұшпан біреу болса да көптік етер,
Досың мың болса да аздық етер.

Дұшпанға кеңес берген де акымақ,
Дұшпаннан кеңес алған да ақымақ.

Дұшпанға сырынды берме, сыр алдырып қырынды берме.

Дұшпанға тастай қатты бол,
Досыңа балдай тәтті бол.

Дұшпан дос арасынан шығады.

Дұшпанды кісі десең басың кетер.

Дұшпан көзі төртеу.

Дұшпаннан түк тартсаң да пайда.

Дұшпан не демейді,
Түске не кірмейді.

Дұшпанның күлгені — сырыңды білгені.

Дұшпанның шырқын алам десең суыртпақтап сырын ал.

Дұшпан шақырса барма,
Дос шақырса қалма.

Дұшпаның көзге мақтар,
арамдығын ішіне сақтар.

Дұшпаныңнан бір сақтан,
Жаман достан мың сақтан.
Дұшпаныңнан бір сақтан, сырты майда, іші қан.
Ел ішіңде жар-жора достарыңнан бір сақтанғанда мың сақтан
(Ы. Алтынсарин).
Доп      


Мақала ұнаса, бөлісіңіз:


Іздеп көріңіз:
Мақал-мәтелдер (Пословицы на казахском языке) – Дұшпан туралы (О враге), Мақал-мәтелдер Дұшпан туралы, (Пословицы на казахском языке) (О враге), Қазақша Мақал - Мәтел: Дұшпан, Қазақша Мақал - Мәтел, душпан туралы макал мател казакша, дұшпан туралы мақал-мәтелдер, жау туралы мақал-мәтелдер, душпан туралы макал мателдер казакша, жау туралы макал мателдер казакша, пословицы на казахском о врагах

Пікір жазу

  • [cmxfinput_gallery][cmxfinput_youtube]