Мақал - мәтел: 1 мамыр - Бірлік күні (ынтымақ, татулық)

Мақал - мәтел: 1 мамыр - Бірлік күні (ынтымақ, татулық)

Алтау ала болса,
Ауыздағы кетеді;
Төртеу түгел болса,
Төбедегі келеді.

Тозған қазды
Топтанған қарға алады.

Ынтымақ түбі –игілік,
Тірлік, тірлік түбі – бірлік.

Ағайын тату болса – ат көп,
Абысын тату болса – ас көп.

Теңге – тиыннан,
Ынтымақ – ұйымнан.

Ынтымақ түбі — игілік.

Екі құзғын таласса,
Бір қарғаға жем болар.

Көнектен шошынған бие оңбас,
Көптен бөлінген үй оңбас.

Бір жеңнен қол шығар,
Бір жағадан бас шығар.

Саусақ бірікпей —
Ине ілікпейді.

Ауыл болса — қауым бол.

Аз да бітер, көп те бітер,
Татулыққа не жетер?

Біршілік болмай — тіршілік болмайды.

Ұйымдасқан ұтады.

Тоқтығында жараспаған,
Аштығында қараспайды.

Қосылғанның — қолы ұзын,
Қос керуеннің — жолы ұзын.


Байлық байлық емес, бірлік — байлық.

Қол жұмылмай — жылынбайды.

Ынтымақ жүрген жерде,
Ырыс бірге жүреді.

Құрама жиып ел өткен,
Құрақ жиып шөп еткен.

Ұйымдасқан ұтады.

Ынтымақтың арты игі.

Ынтымақсыз елді —
Ұрысы билейді.
Ынтымақты елді —
Дұрысы билейді.

Жұрт келгендей жиын болсын,
Жұмылған қолдай ұйым болсын.

Қырық кісі — бір жақ,
Қыңыр кісі — бір жақ.

Көптеген жау алады,
Көмектескен дау алады.

Күшенген жеңбейді,
Күші көп жеңеді.

Ынтымақ — бұзылмайтын қорған,
Қосылып еккен ағаш — орман.

Біреуің бас, біреуің аяқ бол,
Біреуің құйрық, біреуің қанат бол.

Аздың азаншысы болғанша,
Көптің қазаншысы бол.

Күш — бірлікте.

Бір кісінікі — мақұл.
Екі кісінікі — ақыл.

Төртеуі түгел төрге шығар.

Тірлік басқа болса да,
Тілек бір.
Бармақ басқа болса да,
Білек бір.

Адассаң, көппен адас.

Әрі жат, бері жат —
Таршылықтың белгісі.
Сен же, мен же —
Баршылықтың белгісі.

Жас-жастың тілегі бір,
Ынтымақтың білегі бір.

Тірліктің күші — бірлікте.

Адамның күні адаммен.

Бас жарылса, бөрік ішінде,
Қол сынса, жең ішінде.


Дәулетіне қарай сәулеті.

Бірліксіз істе береке жоқ.

Бірлігі күшті ел азбайды,
Пішуі кең көйлек тозбайды.

Алтын алма, алғыс ал,
Алтын деген — жер сыйы,
Алғыс деген — ел сыйы.

Бірлік еткен озар,
Бірлеспеген тозар.

Ынтымақ — ырыс қазығы,
Уәде — жанның азығы.

Береке көзі — бірлікте.

Көңілің тартпаған іске қол ұрма.

Итпен ит ырылдасса
Тамағының тоқтығы.
Жігітпен жігіт қырындасса
Ынтымағының жоқтығы.

Жері азған елде
Тоқшылық болмайды.
Ері ынтымақты елде
Жоқшылық болмайды.


Біреуге біреу сеп,
Тамға тіреу сеп.

Тату елдің тамағы таусылмайды.

Ұрыстың арты — реніш,
Татулықтың арты — кеніш.

Берекені көктен тілеме,
Бірлігі мол көптен тіле.

Бірлігі бар елдің,
Белін ешкім сындырмас.

Біріккен бітіреді,
Ұйымдасқан ұтады.

Саусақ ашылса қылдырық,
Жұмылса — жұдырық.

Кеңеспен шешкен шешімнің
Кемісі болмас.

Ынтымақ жүрген жерде —
Ырыс жүреді.
Доп      


Мақала ұнаса, бөлісіңіз:


Іздеп көріңіз:
Ынтымақ бірлік туралы Мақал-мәтелдер (Пословицы на казахском языке) (О согласии единстве), Ынтымақ бірлік туралы Мақал-мәтелдер, (Пословицы на казахском языке) (О согласии единстве), Қазақша Мақал - Мәтел: Ынтымақ Бірлік, Қазақша Мақал - Мәтел, ынтымак бирлик туралы казакша макал, 1 мамыр қазақстан халқының бірлігі күні мақал мәтелдер, 1 мамыр мақал мәтелдер, мақал мәтелдер бірлік туралы, мақал мәтелдер бірлік ынтымақ туралы, қазақша мақал мәтелдер бірлік туралы, ынтымақ туралы мақал-мәтелдер, бірлік туралы мақал-мәтелдер, бірлік пен ынтымақ туралы мақал-мәтелдер, бирлик пен ынтымак туралы макал мателдер казакша, пословицы на казахском языке о единстве, 1 мамыр бірлік ынтымақ күні мақал мәтелдер, бирлик туралы макал мател, бирлик туралы макал мател казакша, бірлік ынтымақ туралы мақал-мәтелдер, бірлік туралы мақал-мәтел, бирлик макал мател, бірлік мақал мәтелдер

Пікір жазу

  • [cmxfinput_gallery][cmxfinput_youtube]