Қазақша өлең: Әкеме

Менің әкем- намысшыл ер, жауынгер
Әскерінде Бауыржандай батырдың.
Менің әкем- сырласы да мұңдасы
Жырды сүйген Мұқағали ақынның.

Менің әкем- бабалардың баласы
Елім дейтін, жерім дейтін жүрекпен.
Менің әкем- елінің бір ағасы
Ұстаздық қып тәлім берген түлекке.

Менің әкем- пірім менің, ардақтым
Ақыл, қайрат, білім оның қорғаны.
Менің әкем- нағыз ұлы қазақтың!
Басқа білмес өзім білсем болғаны.