Қазақ әдебиетінен сабақ жоспары: Қасым Қайсенов Жау тылындағы бала (7 сынып, III тоқсан )

Пән: Қазақ әдебиеті
Бөлім атауы: Балалар мен үлкендер
Сабақтың тақырыбы: Қасым Қайсенов Жау тылындағы бала
Осы сабақ арқылы жүзеге асатын оқу мақсаттары: БС1 Тарихи және көркемдік құндылығы.
Кейіпкерлердің іс-әрекеті мен автор берген портреттік мінездемені салыстырып, тарихи және көркемдік құндылығына баға береді.
Сабақтың мақсаттары: Ұлы Отан соғысындағы партизандар қозғалысы туралы тарихи деректер мен повесть оқиғаларын салыстырады
Кейіпкерлер әрекетін талдайды
Талқылаулардан қорытынды шығарады.
Сабақ барысы:
Сабақтың мақсаты мен бағалау критерийлері талқыланады.
Слайдта Пән лексикасы мен терминологиясының түсініктемесі шығарылып, мұғалім түсіндіреді. Оқушылардың төмендегі сұрақтар бойынша ойлары тыңдалады: мақсатқа жеткенімізді қалай көрсете аламыз, яғни салыстырғанда, талдағанда, баға бергенде қандай әрекетті орындай алуымыз керек.
1. Оқушылар топтарға бөлініп, топтарда мұғалім ұсынған тарихи деректермен танысады. Осыдан кейін берілген тапсырмалар бойынша пікірлеседі.
Тапсырмалар
Берілген тарихи деректер Қасым Қайсеновтың «Тау тылындағы бала» повесінде көрініс тапты.
Повестен берілген пікірді дәлелдейтін мысалдарды келтір:
1. Повесте баяндалған оқиға аталған елдердің қайсысында болды. Осы елге жататын ел, жер аттарын мәтіннен тауып ата
2. Повестің кейіпкерлерін атап, тарихи деректерге қатысын түсіндір
Топтардағы талқылаулар аяқталуға 2 минут қалғанда әр топтан елшілер шығып, басқа топтарды аралап, талқылауларын тыңдайды. Қайтып келіп өз топтарының талқылауларымен ұқсастықтары мен айырмашылықтарын айтады.
Бағалауға арналған дескриптор
1. Мәтіндегі барлық елді мекен мен жер аттарын атап тауып бере алды
2. Повестің барлық кейіпкерлерінің тарихи деректермен байланысын түсіндіріп бере алды
2.ЖИГСО стратегиясы. Оқушыларға осы отырған топтары жанұя тобы болып табылатыны, келесі тапсырманы орындау үшін жұмыс тобына бөлінетіндері түсіндіріледі. Ол үшін жанұя тобының мүшелері повестегі екі жанұя мүшелерінің аттарын алады да, бөлінеді. Мысалы Анна Ивановна ауылы, Серіктің ауылы, Боряның ауылы, Жамал апаның ауылы, Степан ағаның ауылы .
Топтарда оқушылар берілген сұрақтарды талқылай отырып, кестені толтырады.
Оқушыларға көмек ретінде «Әдеби-теориялық түсініктеме » беріледі.
Өмір құбылыстарын шынайы беру үшін, кейіпкерлер бейнесін ашу үшін автор әртүрлі көркемдік тәсілдерді қолданады. Ондай тәсілдерге: суреттеу (табиғатты, портретті, кейіпкердің сезім-күйін), сипаттау (кейіпкердің мінезін сипаттау, оқиғаны сипаттау), монолог, диалог жатады
Кейіпкерлер Кейіпкерлердің әрекеті Кейіпкердің әрекетінен қандай әсер алдың Автор қандай көркемдік тәсіл қолданды
Топтағы талқылаулар аяқталған соң, оқушылар өздерінің жанұя топтарына оралып, өздері толтырған кестені пайдаланып, түсіндіреді.
ҚБ Мұғалім жұмыс тобындағы және жанұя тобындағы оқушылар талқылауларына қосымша нұсқаулықтар беріп көмектеседі.
Бағалау дескрипторлары
1. Кейіпкерлер әрекетін баяндап бере алды
2. Өзінің алған әсерін түсіндіріп бере алды
3. Қолданылған көркемдік әдістің қызметін түсіндіріп бере алды
3.Қорытынды. 5 минуттық эссе. «Қасым Қайсеновтың «Тау тылындағы бала» повесінің тарихи, көркемдік құндылығы неде деп ойлаймын».
Бағалау дескрипторлары
1. Повестің тарихи құндылығын дәлелдейтін мысалдар келтіре алды
2. Повестің көркемдік құндылығын дәлелдейтін мысалдар келтіре алды.....