Қазақ әдебиетінен сабақ жоспары: Роза Мұқанова «Мәңгілік бала бейне» әңгімесі 2-сабақ (8 сынып, IV тоқсан )

Пән: Қазақ әдебиеті
Бөлім атауы: Қиял мен шындық
Сабақтың тақырыбы: Роза Мұқанова «Мәңгілік бала бейне» әңгімесі 2-сабақ
Осы сабақ арқылы жүзеге асатын оқу мақсаттары: Б/С3. Шығарманың көркемдік-идеялық құндылығын гуманистік тұрғыдан талдап, әдеби эссе жазу
Сабақ мақсаты: Көркемдік-идеялық құндылыққа гуманистік тұрғыдан талдау жасап, әдеби эссе жазу.
Сабақ барысы:
«Болжау»
Оқушылар « Невада – Семей» қозғалысы» бейнебаянын көріп, ой бөліседі.
• Осы бейнебаяннан қандай тарихи кезеңді көруге болады? Шығармамен үндестігі бар ма?
• Адамдарға полигонның қандай зияны болды?
• Сенің ойыңша, елді мекендерде осындай сынақтар жасау адами құндылықтарға қалай әсер етеді?
• «Ядролық сынақтар- адам өмірін жалмаушы аждаһа» деген сөздің мағынасын қалай түсінесің?
1-тапсырма «Бірге ойлаймыз» әдіс-тәсілі
Барлық оқушылар бірнеше шағын топтарға бірігеді. Әрқайсысы шығармадағы кейіпкер өмірі мен бейнебаяндағы тарихи оқиғаны салыстырады. Кейіпкерге портреттік мінездеме, шығарманың көркемдік –идеялық құндылығына баға береді.
2-тапсырма «Талдап білу»
Оқушылар әңгіме мен ән мәтінін топта бірінен соң бірі дауыстап оқиды және бір- бірінің оқылымдарына қысқаша сипаттама береді.
Талқылаушы- мазмұны мен тақырыбын талқылайды.
Белгілеуші- мазмұны бойынша сұрақ дайындайды.
Байланыстырушы-шығарманы тарихи шындықпен байланыстырады.
Топ шешені- көтерілген мәселені «Семей полигонының зардабы әлі жойылған жоқ» деген тақырыппен үндестіреді.
Қорытындылаушы- шығармадағы тұлғалық болмысты гуманистік тұрғыдан талдап қорытындылайды.
3-тапсырма «Карусель» әдісі
Әдеби эссе жазуға дайындау үшін үлгі сұрақтары:
• Шығармада ұлт трагедиясы қалай көрініс тапқан?
• Кейіпкерлердің бойындағы адамгершілік қасиеттер қалай сипатталған ?
• Шығармадағы жеке тұлғалық болмыс туралы ойыңыз қандай?
• Шығарма сізге қалай әсер етті?
Әдеби эссе сұрағының үлгісі:«Автор ұлт трагедиясын қалай суреттеген?»....