Қазақша өлең: Ақберен Елгезек (Саған бәрін айтар едім)

Саған бәрін айтар едім,
Сөз таба алмай қиналам.
Үмітсіздік – шайтан еді,
Арманыма сыймаған.

Саған бәрін білдірер ем,
Бүлдірем деп сескенем.
Қолдан келсе, күлдірер ем,
Дірілдеген еспенен.

Жұмбағыңды шешер едім,
Шертер едім қай күйін?
Жүрегімді тесер едім,
Есер едім, қайтейін!

Бір ғұмырды бастар едім,
Жер бетінде өлмеген.
Сені өлтіріп тастар едім,
Гүлді таптап көрмегем...