Бахаргүл Төлегенқызы – танымал топтамашы-этнограф, Қазақстандағы түркі халықтарында сирек кездесетін алтын және күміс бұйымдарының бірден-бір жеке мұражайының иегері болып табылады. Қазақ ұлттық кәдесыйларын жасап шығаратын «Әдемі-Ай» компаниясының президенті.

Балалық шағы мен жастық шағы Қытай Халық Республикасында өткен Бахаргүл Төлеген бала кезіндегі арманын жүзеге асырды, 1994 жылы тарихи отанына оралды. Сол сәттен бастап Бахаргүл өмірін қазақ ұлттық мәдениетін насихаттауға, әрі құнды тарихи жәдігерлерді сақтауға арнады.....

Ақсерік Айтимов – «Қазақ инновациялық және телекоммуникациялық жүйелер университеті» ректоры.

Ақсерік Сариұлы Батыс Қазақстанда бәсекеге қабілетті үш деңгейлі білім беретін ірі жекеменшік ғылыми-білім кешенін құрды. Сонымен қатар ол жастарға заманауи ғылым мен технологияны меңгеруге қолғабыс етіп жүр. ЭЕМ операторларына арналған курстардан бастап жоғары буын мамандарына арналған курстар ашу арқылы жергілікті кәсіпорындар мен мекемелерді мамандармен қамтамасыз етуге септігін тигізуде.

БҚО-ның әрбір үшінші тұрғыны «ҚазИжТЖУ» ҒБК-нің оқу орындарының бірін тәмамдаған десек, артық айтқандық емес.
Ақпараттық технологиялар, радиоэлектроника мен телекоммуникация саласындағы мамандар елімізде үлкен сұранысқа ие. Ол мамандарды дайындау үдерісіне инновациялық технологияларды енгізе отырып, кадрларды дайындаудың деңгейін көтеру үшін Ресейдің және алыс шетелдің жетекші жоғары оқу орындарымен халықаралық байланыстарды тиімді пайдаланып, білім жүйесін жаңғыртуға зор үлес қосуда....

Елдос Баялышбаев - «Асар» мүгедектерді реабилитациялау орталығының директоры

Балышбаев Елдос Қайыркенұлы жол апатынан қатты жарақат алып, соның салдарынан басын көтере алмай, бір жыл төсек тартып жатып қалады. Массаж бен кешенді тренажерлік жаттығулардың арқасында Елдос аяққа тұрып, ақырындап арнайы құрылғының көмегімен жүре бастады.

Елдос Баялышбаев еңбек жолын 2013 жылы Талдықорған қаласының «Ерлік» мүгедектер қоғамында бағдарламашы болып бастады. 2014 жылы Елдос қозғалуы қиындық тудыратын адамдарға қолдау көрсетем деп шешеді. Талдықорған қаласы әкімдігінің қолдауымен «Мүгедектерді спортпен оңалту орталығы» АҚ ашып, қазірге дейін соны басқарып келеді.....

Қазақстан Республикасы Мәдениет және спорт министрлігінің «Т.Қ.Жүргенов атындағы Қазақ ұлттық өнер академиясы» республикалық мемлекеттік мекемесінің мектеп-интернаттың мұғалімі 18.11.1986 ж., Қазіргі кезде Абжанова Анардың суреттері Қазақстанның қазіргі заманғы өнерінде айқын және белгілі құбылыс болғаны түсінікті.

Анар Абжанова өзінің 30 жасында-ақ– Қазақстанның Суретшілер одағының мүшесі, көптеген беделді халықаралық байқаулардың лауреаты. Оның шығармашылық белсенділігі, жұмыс істеуге зор қабілеттілігі, оның таланты мен өнерге деген адалдығы табыстарға жеткізді.

Оның алғашқы жеңісі 2006 жылы Астана қаласында «Жұлдыз ай» республикалық балалар шығармашылығы фестивалінде Гран-При алумен келді. Екі жылдан соң Қазақстанның астанасында «Шабыт» XI - Халықаралық жастар шығармашылығы фестивалінің «Бейнелеу өнері» номинациясында Гран-При иеленді. Содан кейін жас қызға сыйлықтар алма бағындай төгілді: Анара Абжанова Ираннан, Жапониядан, Ресейден, Тайваньнан, Чилиден, АҚШ-тан, Франциядан, Италиядан және т.б. жеңіспен қайтты.....

Нұржан Жолдыбалинов – IT маман, кітапханашы, ақпараттық жүйелер бойынша маркетолог
Нұржан Нұрланұлы – Астана қаласындағы Қазақстан Республикасы Ұлттық академиялық кітапханасы басшысының ақпараттық ресурстар бойынша жетекшісінің орынбасары, Қазақстандық Ұлттық электронды кітапхананы әзірлеуге қатысқан ең жас IT мамандардың бірі.

Сонау ертедегі 1995 жылы №63 Шар мектебіне 8 разрядты «Корвет» дербес компьютерін әкелген еді, осы компьютерде жұмыс істеуге алғаш отырғандардың бірі және сабақ арасында ұрлана кіріп мұнда шұғылдануға келетіндердің бірі тоғыз жасар Нұржан Жолдыбалинов болатын. Балалық қызығушылық оның мамандығын ақпараттық технологиямен байланысты айқындап бергендей. Бұл оқиғаның әсерін толықтай бағалау үшін Нұрлан Нұржанұлы қазіргі таңда Қазақстандық кітапхана алаңындағы түрлендірілген ақпараттық «брендті» - Қазақстандық Ұлттық электронды кітапхананы жасаушылардың бірі, сондай-ақ ҚР ҰАК ақпараттық ресурстар бойынша жетекшісінің орынбасары болып табылады.....

Әбдібек Пошкаев – ірімшік зауытының директоры

2012 жылы тоқтап тұрған ірімшік зауытын өз күшімен қайта іске қосып, маркетинг жүйесін кеңейтті. Нәтижесінде өнімнің түрі мен өнімділігі артты. Білікті басшы ұдайы қол астында істейтін мамандардың кәсіби біліктілігін шыңдағанның арқасында сүт өнімдеріне тапсырыс беретін сауда орындарының саны артып, өндіруші зауыт отандық өнімдерді тіпті Ресейге экспортқа шығара бастады....

Марат Аманғалиұлы - «Орталық клиникалық аурухана» АҚ нейрохирургі, 1985 жылы туған.

Қазіргі таңда инсульт әлемдегі көкейкесті мәселелердің бірі болып табылады. Дүниежүзілік денсаулық сақтау ұйымының деректерінше инсульт салдарынан жыл сайын 6,2 млн адам қайтыс болады. 2015 жылы Қазақстанда 41 мың адам инсульт алып, оның 24%-ы көз жұмған. «Денсаулық 2016-2020 жж.» мемлекеттік бағдарламасына сәйкес инсульттің алдын алу және оның көрсеткіштерін төмендету мақсатында, біздің бөлімшеде жоғары технологиялық медициналық қызметтер көрсетіледі. 2016 жылы біздің бөлімшеде бас миы және жұлынға жасалған оталар адам шығынысыз сәтті өткізілді. Біз инсультқа қарсы күрес жүргізіп жүрген алдыңғы қатарлы емханалардың бірі болып табыламыз.....

Татьяна Кучер – математика пәні кітаптарының авторы
Татьяна Павловна К.Д. Ушинский атындағы Петропавл мемлекеттік педагогикалық институтында физика-математика мамандығы бойынша білім алған.

1982 жылдан бері Манаш Қозыбаев атындағы Солтүстік Қазақстан Мемлекеттік университетінің Бастапқы және мектепке дейінгі білім берудің теориясы мен әдістемесі кафедрасында қызмет істеуде.

Татьяна Павловна 1994-2001 жылдар аралығында шағын мектептердің ұстаздарын даярлауға атсалысты. Ол математика пәні бойынша 5-12 сыныптарға арналған оқулықтардың авторы. Осы оқулықтарды пайдалана отырып, алғаш рет республика бойынша өткен 12 жылдық оқу жүйесін енгізу сынағына қатысты. 2009 жылы ҚР бойынша жалпы білім беру мектептерінің 2-6 сыныптарына арналған математика пәні оқулығы мен бағдарламасының авторы атанды. 2013 жылы Татьянаға «Жоғары оқу орынының үздік оқытушысы» атағы берілді. ....

Дмитриенко Елена Александровна – «Жұлдыз» балалар қоғамдық ұйымы республикалық одағының президенті, педагогика ғылымдарының кандидаты, доцент, Қазақстанның балалар және пионерлер ұйымы одағы сыйлығының лауреаты, ҚР Білім беру ісінің үздігі, «Құрмет» орденінің кавалері, «Алтын патент» иегері (Мәскеу қ., 2002 ж.).

«Өнерге, шығармашылыққа жақын тұлғалаларды жоғары адамгершілік заңдармен өмір сүруге, Отанымыз Қазақстанның дамуына үлесін қосуға қабілетті адамды тәрбиелеу – бағдарламаның басты мақсаты. «Жұлдыз» бағдарламасы өмірден өз орнын табуға ұмтылған, жарқын әрі қайталанбас тұлға болып қалғысы келетіндерге бағытталған бағдарлама. Өзін-өзі тәрбиелеу үшін ұжымдық жұмыстарды, балалармен тәрбиелік және дамытушы жұмыстарды жоспарлаған кезде қолданыла алады.....

Хон Юрий - Ақтөбе облысындағы қоршаған ортаны қорғау бөлімшесінің аға инспекторы
Юрий Борисович түскі астан кейін әріптесі екеуі күнделікті бақылауға шығады. Келе жатып, оның көзі көлде тұншығып жатқан адамға түскен еді. Бірден көлікті тоқтатып, күннің суығына қарамастан суға секіріп, батып бара жатқан адамды жағаға алып шықты. Қатты тоңғаннан ба, әлде суда әбден дәрмені таусылғаннан ба құтқарылған адам есін жоғалтып үлгеріпті. Юрий әріптесі екеуі жақын маңдағы медициналық бекетке апарып, жас жігітке алғашқы көмек көрсетілді. Өз қызметін мінсіз орындаған Юрий Хон осылай бір адамның өміріне араша болды.....